Zoubereedung

• Wäsch d’Kraider, dréchen se gutt a rapp se vun de Stiller erof. Schneid se mat engem Messer op engem Brietche kleng.
• Schëtt d’Miel, d’Dréchenhief, den Zocker, d’Salz an d’Kraider an eng Schossel a mësch alles gutt mat engem Läffel.
• Schëtt den Ueleg an d’Waasser dobäi a looss d’Kichenmaschinn hier Aarbecht machen (mam Knietkrop, bis e glaten Deeg entstanen ass).
• Looss den Deeg wärend 30 bis 60 Minutten zougedeckt opgoen.
• Sich an der Natur um Buedem laang a riicht Äscht (Duerchmiesser 1-2 cm). D’Äscht sollen dréche sinn an net morsch. Schnëtz mat engem Täschemesser oder Schnëtzmesser den Aascht un der Spëtzt esou, datt et e Spiiss gëtt. Un der Spëtzt soll och keng Schuel méi sinn (20 cm).
• Huel eng kleng Boule Deeg, form eng Schlaang domadder a wéckel se em d’Spëtzt vun dengem Spiiss.
• Hal d’Brout elo iwwert di waarm Glous, awer net direkt an d’Feier. Et soll e bësse brong gi mee net schwaarz. Dréi de Spiiss reegelméisseg fir datt d’Brout iwwerall duerchgebak gëtt.
• Wann d’Brout fäerdeg gebak ass, kanns de et direkt vum Spiiss erof iessen. Pass awer op datt s du dir d’Fangeren net verbrenns!
  
  D’Juju an de Filou 👩‍🍳🧑‍🍳 wënschen iech e gudden Appetit 😋!