Kuchemännercher

Kuchemännercher

Plat : KichelcherCuisine : LëtzebuergeschDifficulté : schwéier
Couverte

4

Couverte
Virbereedungszäit

2

heures 
Bakzäit

20

minutes

Eng Traditioun fir Kleeserchersdag.

Ingrediente

  • 800 g Miel

  • 1/2 Pak Hief (21 g)

  • 100 g Botter

  • 250 ml wotlech Mëllech

  • 2 Eeër

  • 3 Iessläffel Zocker

  • 1 Pout Salz

  • 150 g Pudderzocker

zoubereedung


  • Siff all d’Miel an eng Schossel.
    Kranz Schossel
    Maach mat engem Zoppeläffel e Kranz Miel an d’Bakschossel (vun der Kichemaschinn). De Rescht Miel brauchs du herno.
  • Schëtt d’Hallschent vun der Mëllech an eng Kasseroll a maach se lues waarm. Si däerf nëmmen e bësse wotlech ginn, net waarm!

    Grimmel d’Hief an eng Jatt (kleng Schossel) a gëff 2 Iessläffel Zocker dobäi.
    Schëtt d’Mëllech an d’Jatt dobäi a réier mat enger Forschett bis d’Hief sech ganz opgeléist huet.

  • Schëtt elo d’Mëllech mat der Hief an d’Kaul vum Kranz Miel.
    Réier mat der Forschett e bësse Miel ënner d’Flëssegkeet fir en Deessem (Virdeeg) ze maachen.
    Lee en Duch op d’Schossel a looss den Deessem ongeféier 15 Minutte goen.
  • Looss an där Zäit de Botter an enger Kasseroll lues schmëlzen a schëtt de Rescht Zocker an kal Mëllech dobäi. Réier gutt a looss et ofkillen.
  • Schëtt den ofgekillte Botter/Zocker/Mëllech op den Deessem a verréier alles gutt mat der Kichemaschinn (Biesem) wärend e puer Minutten.
    Et soll gutt opgeklappt sinn.
  • Gëff d’Eeër dobäi a réier ëmmer nees gutt mat der Kichemaschinn.
    Gëff duerno iessläffelweis d’Miel dobäi (am ganze sollen +- 500 g Miel mat der Kichemaschinn verschafft ginn).
    Wann alles gutt verschafft ass an den Deeg gutt opgeklappt ginn ass, lees de en Duch op d’Schossel a léiss den Deeg ongeféier 1 Stonn op enger waarmer Plaz opgoen. 
  • Schëtt gutt vill Miel op den Dësch a schëtt den Deeg mat enger Spachtel fir den Deeg op d’Miel.
  • Elo heescht et gutt vill kniede mat den Hänn. De Rescht Miel soll am Deeg verschafft gi bis en net méi pecht an d’Loft muss eraus.
  • Deel den Deeg a 4 Stécker wann e prett ass.
    Form aus all Deegbull e Kuchemännchen (Video).
    Du kanns och nëmmen 2 Kuchemännercher maachen, da ginn se méi grouss.
  • Lee d’Kuchemännercher wäit ausernee genuch op de Bakblech (op e Bakpabeier). Dekoréier d’Männercher mat Korinten oder Schockela. Looss d’Männercher nach emol opgoen (30-60 Minutten).
    Bak d’Kuchemännercher op 180 °C (Ober-und Unterhitze) fir ongeféier 20 Minutten (et hänkt vun der Gréisst of).
  • Verréier 1 Ee mat e bësse Mëllech an enger Schossel. Huel d’Kuchemännercher no 10 Minutten aus dem Bakuewen a pënsel d’Ee mat der Mëllech driwwer. Bak se duerno weider.
    Huel d’Männercher aus dem Uewen a looss se ofkillen.
  • Schëtt de Pudderzocker an eng Schossel a schëtt e bësse waarmt Waasser dobäi. Réier gutt.
  • Schmier mat engem Pënsel Zockerglasur op de Kuchemännchen.
    Pech Zockeraen  drop a mol e Gesiicht mat Zockerschrëft wann s de wëlls. Looss alles ofkillen an dréchnen.

    D’Juju 👩‍🍳 an de Filou 🧑‍🍳 wënschen iech e gudden Appetit 😋!

Recipe Video

Notes

  • Bei méi klenge Kanner kann een den Deeg scho virdru preparéieren an d’Kanner kënnen dann de Kuchemännche formen an herno dekoréieren.
  • Et geet och ouni Kichemaschinn mat engem Mixer.
 

Leave a Comment

Your email address will not be published.

*